Weblog
Wednesday, 16 July 2008
-
琴晚傾到好夜先訓
今朝好傻仔,以為係朝早補課
幾辛苦都起身
出門口之打比白痴仔
先知原來係下就....=.=
跟住練左一陣琴
好耐無練,sightread好唔得
練到好沮喪,放棄左,投降,唔練
下就出左街街食飯
跟住同sasa行左陣就翻學校
白痴仔個電話打左n咁多次都無人聽
仲以為佢真係又訓到唔識醒(有前科)
點知原來佢係無帶電話=.=
唔見左件衫啊.....今 日用左半個鐘反轉屋企d衣櫃都唔見
仲要搞到成張床都係衫....今晩有排汁.....
不想參加你們無聊的遊戲
唔好再拉我落水
Saturday, 12 July 2008
-
琴晚訓得好唔好
今日個鬧鐘響都唔想起身
只不過唔起唔得
睇左赤壁
幾好睇,不過好怪,真正ge赤壁之戰要等下回分解
下就去左bim青
講真,近排都平平淡淡的無咩火
翻屋企試下整野食
同一樣野,整左5,6次都唔得
好失望,難得我肯下廚
仲要反轉成個廚房,成身大汗
仲要周圍頻撲
勞師動眾,最後失望而回
我好似局部失憶
唔係講笑
受過咩刺激來呢.....
胃痛左一日.....
夜晚連講野都覺得好辛苦,無咩氣
Friday, 11 July 2008
-
終於都坦白了
不算是很辛苦
但係內心的掙扎,良心的責備,
無疑都是有一定威力的pressure
原諒我們一直以來的顧慮
唔知跟住會係點,但係總算行多左一步
今日派成績表了
退步左少少,但係conduct進步左,係a-
得普通話考第一
有一科不得不提---pe
上學期考第一,下學期考100
哈,其實第二學校個result比較正常
白痴仔4科第一,真係0曬....
佢咩構造架.....佢係係學校第三個人令我有咁ge感覺
下就郭仔farewell
踩波波win左,不過俾好多人追殺
白痴仔保護不力....好彩可能太驚個波波係我隔離爆,死都保個佢
win左
仲玩左好多野la~
仲要比兩個好無良心ge老師串....不過debby邊夠我來~
揾人陪我唱k la唔該~ -
7月8日
終於都到左生日
親愛的各位,你們成功了,今年的生日好難忘
好似好多年生日都有落雨
以係風雨交加中出世ge孩子自居
今日都係要翻學校補課
係學校已經有好多有心人同我講生日快樂
多謝各位
放左學之後,去左locker,
突然之間殺出好多人出來阻左條路
仲比darling呃左我同佢去toilet
sasa又要我咪埋眼
我就跟住幾個人去左canteen
去到canteen一開眼就見到好多人
一個白痴仔仲捧左個home-made cake
大家一齊唱生日歌la,影相la,食蛋糕la~
仲收左好多presents and cards
我知大家為左我ge生日,花左好多心思同時間
好感動,多謝大家
跟住仲去左食韓燒
好熱氣,食唔曬仲玩辣辣壽司邊個食
我中招了....
件野已經被wasabi搽到見唔到係咩sushi....
係呢度無咩影到相,食相不宜咁多人鑑賞....
跟住去左南丫島
細細的島仔,都夠我蕩失路的
好彩有人"磅"住
去左一個沙灘,好似叫洪聖爺的
途中有一班人叫我地幫佢地影相
行左好耐沙灘,終於到左,無幾耐果班人又來左,佢地有一個好似同我同一日生日
但係個天無lala落大雨
好失望,跟住pray for the weather
感謝神,過左一陣間
真係停雨!
仲影左少少相
呢日食左好多野,夜晚仲買左pizza翻度假屋食
-----------------------------------------------------------------------------------------------------------------------------------------
7月9 日
我地八點幾就起左身
因為我琴晚訓得唔好,冷氣開得太大(但係得我覺得凍)
又聽到夜晚落大雨同埋d人聲(又係我聽到)
係咁醒
起左身就去左沙灘
原本好開心,唔曬,我地玩浪,玩沙,"汁"貝殼....
我地分別"汁"到一個好完整,好靚,好大ge貝殼
係係大浪度冒險"汁"翻來的
仲好似一對咁架
但係放左係沙灘比人偷左!!!!!!
諗到好唔開心.....
我地鎖定左邊個偷,但係佢地兩個已經逃之夭夭
跟住我地決定反轉成個南丫島都要揾佢地出來!!!!!!
但係我地兜左好多次南丫島都唔見,
仲報埋警
不過就又見到果班人
最後因為時間關係,無得唔走,所以買左個pizza就翻中環
可能大家會覺得我地好傻
但係,啖氣真係點都吞唔落
同埋個兩貝殼真得係得來不易,又好難得咁靚
又咁巧合同同一班人搭同一班船
同一個站,都係翻香港,都係搭荃灣線
於是佢地仲成班人問我地msn=.=
Monday, 07 July 2008
-
開始唔期待聽日ge生日
甚至擔心心情會調整不過來
今日心情好差
如果唔係怕殺錯良臣
早就熄左電話
"對唔住"唔可以亂講
你都唔知自己錯咩
呢三個字只會有濫用之嫌
恐怕長此下去,我只會對呢三個字麻木
如果理由真的如你所說
我真係覺得自己好蠻不講理
可笑ge,唔只係自己,仲有你果句"對唔住"
因為咁ge情況下,跟本無理由要同我講對唔住
如果我仲係清醒ge話
或者真正ge理由唔複雜得去邊
或者自己都唔係咁講理
有時真係覺得自己被縱壞曬
變得太原則化,甚至變得執着
為此,對唔住
Chatboard (0)